蟹癡最爱的半自助晚餐Dining娜

2020-08-03 606人围观 ,发现45个评论
(Presented by forte)

入秋之后,Dining娜每次同班好姊妹饭聚,都离不开有「蟹」相伴,正所谓「不时不食」嘛!除咗热门嘅大闸蟹之外,最近仲俾我哋发现有间酒店餐厅特意製作咗多款以蟹为主题嘅心思菜。自问无蟹不欢嘅话,一于跟嚟睇睇啦!

讲紧嘅係位于观塘如心艾朗酒店入面嘅forte,呢度主打半自助餐,主菜从餐单任选其中,之后再可以随你胃嘅容量任食沙律、汤、冷盘、海鲜、生蚝、刺身、寿司、甜品同雪糕等,食物无太过泛滥嘅感觉,啱晒我哋呢亭重质嘅国际级食家。加上店内环境气氛一流,边食边同班姊妹谈心,够晒尽情!

蟹癡最爱的半自助晚餐Dining娜
店内装潢充满格调, 半开放式设计令人开怀畅饮及歎尽佳餚。

主菜选择够丰富

除咗王牌清蒸大闸蟹外,呢度特意引入优质嘅红花蟹同肉蟹等,用多种烹调方法炮製成别緻佳餚,中式、泰式、日式及意式等应有尽有,卖相同味道都好出色。细问之下得知行政总厨严选新鲜肥美嘅螃蟹,结合创意同专业嘅厨艺,製作出多款蟹食主菜,包括花雕蒸梭子蟹、 黑松露赛螃蟹玉带子、葡式椰香焗酿蟹盖、天妇罗帝王蟹棒同软壳蟹青木瓜沙律,无论係咪蟹癡都一定会患上选择困难症,款款都咁吸引唔知点拣好,所以我哋几位好姊妹一于人人点一款,齐齐开心share!如果蟹唔係你杯茶,你亦可以拣最新推出嘅慢烧法国鸭胸伴甜酒黑樱桃,一样叫人食指大动。

蟹癡最爱的半自助晚餐Dining娜
花雕蒸梭子蟹蟹膏丰盈,每口蛋白都充满蟹甜及酒香。
蟹癡最爱的半自助晚餐Dining娜
黑松露赛螃蟹玉带子口感匹配,充满矜贵黑松露嘅独特香气。
蟹癡最爱的半自助晚餐Dining娜
软壳蟹青木瓜沙律特别适合「雀仔胃」嘅女士们,满足口腹之余又唔怕增磅。
蟹癡最爱的半自助晚餐Dining娜
慢烧法国鸭胸伴甜酒黑樱桃入口细腻,酸甜味道令人回味。

前菜小食 欲罢不能

此外,半自助晚餐仲有一系列深受欢迎嘅开胃环球前菜,包括冰镇海鲜如阿拉斯加皇后蟹脚、即开新鲜生蚝同海中虾等,更有滋味寿司同日本直送嘅时令刺身;精选沙律方面,Dining娜必吃推介有日式蟹肉青瓜沙律同绵羊猪火腿配蜜瓜等;另外唔可以错过嘅有特色西班牙小食如焦糖鹅肝炖蛋、海鲜饼同焗青口保云酥;锺情于热汤嘅姊妹就大讚蟹肉虾汤同龙虾汤都好鲜味浓郁。

蟹癡最爱的半自助晚餐Dining娜
多款精选头盘、刺身同甜品等任拣任食,水準甚高,好吸引呢!

为完美晚餐作结就梗係唔少得要去自家製嘅甜品专区「扫货」,我哋试咗士多啤梨蛋糕、意大利芝士蛋糕、酥皮苹果挞、朱古力喷泉及Mövenpick雪糕等,全部质素都有番咁上下,成班甜品控都大满足呢!

11月加推呈献《优惠全日祭》

由11月1日至11月30日期间,更可以优惠价享用滋味半自助晚餐!

星期一至四 : 成人净价港币$ $299;小童/长者净价港币$159

星期五至日、公众假期及其前夕 : 成人净价港币$ $329;小童/长者净价港币$179

地址:观塘创业街38号如心艾朗酒店2楼

电话:3968 8222

*半自助餐菜式每晚轮流供应

不容错过